Galicia participa nun programa europeo de patrimonio sonoro

O colectivo escoitar.org fai o traballo de campo no noso país

3/4/2012 | Santiago. Redacción | Seccións: patrimonio sociedade

24 lecturas | Compartido 0 veces

European Acoustic Heritage é o proxecto co que a Comisión Europea quere recuperar o patrimonio sonoro do continente. A iniciativa, que conta cunha importante participación da Axencia Galega das Industrias Culturais e mais da Fundación Illa de San Simón contará co colectivo Escoitar.org para rexistrar os sons do noso país. O obxectivo inicial do proxecto é incorporar nunha primeira fase 30.000 rexistros, que se estruturan en categorías como sons mecánicos, da natureza, sociais ou urbanos e que se poden consultar vía web.