Celso Emilio Ferreiro protagoniza o Día Mundial da Poesía

O Centro Cultural da Deputación de Ourense acollerá mañá 21 de marzo ás 19:00 h. a tradicional celebración do Día Mundial da Poesía que organiza o Pen Clube de Galicia. No acto intervirán o Conselleiro de Cultura e Educación, Jesús Vázquez Abad, o Presidente da Deputación de Ourense, José Manuel Baltar, o presidente da Real Academia Galega, Xosé Luis Méndez Ferrín e Luís González Tosar, o presidente do Centro PEN Galicia). O acto contará coa lectura de poemas de Alba Cid e Celia Parra coa actuación musical de Miriam Figueiras e Marco Foxo.