Celanova acolle o seu I encontro de xornalismo

No marco dos actos do Ano Celso Emilio, Celanova acolle esta fin de semana o I encontro de xornalismo Onde o mundo se chama Celanova. O evento, entre outras cuestións, abordará, a partir do traballo de Curros Enríquez como correspondente de guerra, o xornalismo bélico de hoxe. Tamén se tratará, coa súa figura e coa de Celso Emilio, a literatura no xornalismo actual, da man de Xosé Luís Méndez Ferrín. No evento proxectarase o documental Unha vida, unha obra, un pensamento sobre Celso Emilio Ferreiro.