A pasarela Pontus Veteris non terá edición de primavera

A crise económica na que se atopa a Cámara de Comercio de Pontevedra levou a que a entidade decidise non organizar a pasarela de moda Pontus Veteris este ano na súa edición de primavera. O evento, considerado a principal cita de moda do país, tamén ve perigar a celebración da súa xeira de outono. Segundo explicou o presidente da Cámara, Antonio Gómez Rivera, o organismo realizará entre abril e maio un estudo para analizar a situación co sector textil e valorar posibles patrocinios para a continuidade do evento.