Máis top models, máis presenza de prensa internacional, máis compradores e un espazo propio para deseñadores novos. Este é o resumo dos contidos que terá a primeira edición da Semana Internacional da Moda Galega (Seimoga) que organiza a Cámara de Comercio de Pontevedra para o vindeiro outono. Ademais, a coñecida pasarela Pontus Veteris non desaparece, senón que será a encargada de pechar esta actividade, que ten un orzamento de 500.000 euros. Esta semana foi presentada como oposición ao controvertido concurso de ideas promovido pola Consellaría de Innovación de crear unha pasarela internacional que, finalmente, quedou deserto.
Máis información no web da Cámara de Comercio e nos nosos arquivos
