Díaz Pardo recibe o premio especial do Fórum Gastronómico

Isaac Díaz Pardo foi un intelectual ben coñecido pola súa labor cultural ou empresarial, pero os seus campos de acción foron tan amplos e diversos que está a ser recordado desde os ámbitos máis diversos. Un deles é o gastronómico. Onte o Fórum Gastronómico de s entregou os Premios Picadillo, a serie de galardóns destinados a premiar o traballo de profesionais do ámbito da restauración. O Premio Especial Picadillo do Fórum Gastronómico de Santiago de Compostela foi para Isaac Díaz Pardo "pola súa especial contribución á preservación e renovación da cultura e da identidade galega traducida, no ámbito gastrónomico, na creación de toda unha identidade plástica singular para a mesa e a gastronomía de Galicia a través da vaixela e as pezas cerámicas". Recolleu o premio o seu fillo Camilo Díaz.