O Fórum Gastronómico Santiago’08 reinvidicará o papel cultural da cociña atlántica

Destacadas figuras da nova gastronomía global como Ferrán Adriá, Paul Cunningham, Seiji Yamamoto ou Stephane Buyens compartirán escenario cos cociñeiros galegos do Grupo Nove no Fórum Gastronómico Santiago’08 que, co tema “As cociñas do Atlántico”, intentará realzar o valor diferencial da gastronomía galega e dos países do arco atlántico. O Fórum Gastronómico presentou onte pola noite un intenso programa de cinco días con actividades para cociñeiros profesionales e para ‘gourmets’, un cento de empresas do sector, unha programación cultural paralela en diferentes escenarios da cidade, así como un encontro de blogueiros especializados en enogastronomía. Será o primeiro evento gastronómico destas dimensións que se realice en Galicia, e está organizado polos promotores do Forum Gastronómico de Vic (Girona), co que se alternará nos anos de celebración.

Máis información no web do Fórum Gastronómico.