O Diario Oficial de Galicia publica hoxe a resolución pola que se somete a exposición pública o Catálogo paisaxístico da comarca de Deza. Este documento supón o primeiro elaborado no marco da Estratexia de Paisaxe de Galicia, coa que o goberno pretende introducir este elemento na ordenación do noso territorio. Os interesados dispoñen agora dun prazo de dous meses para presentar alegacións ao proxecto. Segundo sinala o web da Xunta, o plan proposto afecta a "amplas extensións dos concellos de Dozón, Agolada, Lalín, Rodeiro, Silleda e Vila de Cruces, así coma espazos concretos de Antas de Ulla, San Cristovo de Cea, Forcarei, O Irixo e Piñor".
O do Deza é o primeiro dos 50 catálogos que se prevén realizar no marco desta estratexia, que divide o país en 12 áreas paisaxísticas. A partir destes catálogos desenvolverase medidas de protección, divulgación e xestión das áras afectadas.
