O Castelo da Palma acaba de dar un paso máis de cara á súa recuperación. Case un ano despois de que o Goberno Central accedese a conceder o emprego hoteleiro ao monumento, a Consellaría de Medio Ambiente anunciaba hoxe que aprobou a modifición puntual Plan Xeral de Ordenación Municipal de Mugardos. Con esta orde permítese o comezo dos traballos de rehabilitación deste conxunto con vistas a instalar no mesmo un complexo hoteleiro. A orde da Xunta prevé tamén un aproveitamento educativo do castelo. O proxecto de crear un centro hoteleiro no lugar está en marcha desde hai dez anos.
