A Xunta aproveita a exposicion Gallaecia Petrea para restaurar varias pezas valiosas

Custará 1,5 millóns de euros e servirá para ter unha perspectiva da evolución da pedra como soporte artístico en Galicia desde a Prehistoria ata os artistas contemporáneos. A mostra "Gallaecia Petrea" inaugurará o edificio do Museo da Cidade da Cultura e será un dos proxectos expositivos máis ambiciosos da Galicia contemporánea. Segundo a Xunta, a mostra esixiu unha "selección de pezas do máis alto valor histórico recompiladas por Galicia pero tamén en Portugal e Asturias, "xa que estes territorios abarcaban a antiga provincia romana". A mostra valerá para restaurar "pezas valiosas". A Fundación Cidade da Cultura aprobou hoxe a licitación do servizo de produción, montaxe e desmontaxe da exposición por case 680.000 euros máis IVE.