A importancia da ilustración na cultura galega, os novos discuros estéticos deste xénero a nivel internacional, experiencias no traballo para os máis pequenos ou as posibilidades da novela gráfica para a integración son algúns dos temas que se tratará no congreso Ilustrando a diversidade. O encontro, organizado polo Campus Culturae da USC, reunirán en Compostela algunhas das figuras máis destacadas deste campo e permitirá aos asistentes participar en diferentes obradoiros.
De xeito paralelo ao encontro, o Pazo de Fonseca acollerá a exposición Ilustramundos, onde se poderán ver traballos de Mónica Weiss (Arxentina), Carme Solé (Cataluña), Antonio Seijas (Galicia), Machiel Braaksma (Países Baixos), Joanna Domanska (Polonia), Mark Taeger (Suiza) ou Piet Grobler (Sudáfrica) entre outros.
