Do 3 ao 11 de maio terá lugar Curtocircuíto, o festival de curtametraxes de Santiago. A novena edición acaba de botarse a andar coa apertura do prazo de presentación de solicitudes, que estará aberto ata o 10 de febreiro. O certame entregará 13.000 euros en premios e recoñecerá as mellores curtametraxes de ámbito Internacional (curtas de calquera xénero de calquera nacionalidade), Compostelae (curtas de calquera xénero de produción española), Explora (curtas experimentais de calquera nacioanlidade) e Escolas Galegas (curtas producidas en escolas galegas de calquera xénero). A inscrición é de balde e deberá facerse a través do portal web Short Film Depot.
Por outra banda, o web do certame está operativo aínda que de momento non ofrece contidos porque está a sufrir un proceso de remodelación.
