Capa de Engurras
Chegan ás tendas dúas novidades de BD longamente anunciadas. El Patito Editorial acaba de pór á venda Engurras, versión en galego da obra coa que Paco Roca levou o Premio Nacional de Cómic en 2008 e que acaba de ver unha versión animada. A obra, a cor e con capa dura, ten 114 páxinas e sae á venda por 15 euros. Ao tempo, Dolmen Editorial publica en febreiro en castelán o volume integral de La casa de los susurros, con debuxo de Tirso Cons, cor de Javi Montes e guión de David Muñoz. Cun tamaño algo máis pequeno dun álbum, a obra conta con 184 páxinas e sae á venda por 24 euros.
Ao tempo, sabemos que na antoloxía Z-Time, que fora publicada na rede, será editada en papel pola editora inglesa Markosia. No volume participa os guionistas galegos David Braña e Anna Raven, canda ao debuxante José A. Ares "Pater".
