Triángulo de Amor Bizarro levará a súa música a esta edición de ARCO

“Alternativos, arriscados e vangardistas”. Así definían desde ARCO o estilo musical do Enyoy After Arco, un festival paralelo que organizan, en colaboración coa sala Joy Eslava de Madrid, para os días nos que se celebra a feira de galerías. A conexión galega chega porque Triángulo de Amoz Bizarro fai parte da representación española deste encontro que se desenvolve nas noites dos días 16 e 17 de febreiro. Tendo en conta que Holanda é o país convidado desta edición da feira de arte contemporánea, a música deste país estará presente da man de Machinefabriek. En total, oito formacións poñeranlle sons de vangarda a este certame que busca converter a capital do Estado nunha cita de referencia coa creación máis actual.