O concello de Vigo prepara un concurso para a xestión do Arquivo Pacheco

Comezou sendo un rumor nas redes sociais e acabou por converterse nunha realidade. O arquivo Pacheco, que dixitaliza o fondo homónimo e que se corresponde coa memoria fotográfica de principios do século pasado de Vigo, está pechado ao público. O cese dos contratos dos traballadores motivou esa paralización dun proxecto que ten dixitalizado 58.000 imaxes, pouco máis dun terzo do fondo completo. O concello de Vigo asegura que convocará un cursos público para a súa xestión e que, mentres non se resolva o centro permanecerá pechado.