Educación asume a tese do Valedor do Pobo sobre o libro de texto

O conselleiro de Educación, Xesús Vázquez, explicou onte no Parlamento que se dirixiu á editorial Vicens Vives “co fin de coñecer a súa versión e de procurar a adaptación do libro para seguir a recomendación do Valedor", a requerimento dunha pregunta feita polo deputado nacionalista Bieito Lobeira. Segundo o conselleiro, a editorial informou de que "a reedición para o vindeiro curso incorpora xa os cambios; e a editorial comprometeuse ademais a enviar aos seus clientes unha separata coas modificacións pertinentes". Vázquez amosou unha proba "da páxina 57" da reedición do libro, rectificada, ao que Bieito Lobeira ensinou a páxina do actual libro criticada polo valedor e a páxina anterior do mesmo volume, onde se afirma que a Constitución establece o castelán como lengua oficial no conxunto do Estado canda as outras linguas oficiais nas respectivas autonomías.