Quiosco: Adra 6

A revista anual dos socios do Museo do Pobo, Adra, presenta a súa sexta entrega, correspondente a este 2011. Centrada maioritariamente en cuestións de carácter etnográfico, atende a temas como a recuperación de casetas de pescadores en Carnota, as infraestruturas e a cultura da auga na parroquia de Bon, Beluso, ou o traballo da Fundación Liste. Tamén se analiza as posibilidades do traballo fotográfico de Jules Gervais-Courtellemont para a investigación e a didáctica do patrimonio, entre outras cuestións. A publicación está a venda no propio centro a seis euros, cun desconto do 40% para os socios.