BD Banda anuncia a edición en galego de El arte de volar

El arte de volar, a obra coa que Kim e Antonio Altarriba levaron o Premio Nacional de Cómic en 2011, terá versión en galego. A Asociación BD Banda anunciou hoxe no seu web que está xa a traballar na tradución e na publicación desta obra, que verá a luz a comezos do vindeiro ano. Canda a isto, o colectivo apunta que abandona a edición da revista homónima, logo de catro números. A última entrega da revista BD Banda saíra publicada en abril de 2010, a coincidir co Saló del Còmic de Barcelona.