Por vez primeira, os editores de banda deseñada do Estado reúnense nunha situación que pretende defender os seus intereses de favorecer o coñecemento da banda deseñada. Esta mesma mañá presentábase publicamente a Asociación de Editores de Cómic de España, un proxecto que conta de entrada con quince firmas vencelladas, das cales tres son galegas. En concreto, BD Banda, El Patito Editorial e mais Retranca Editora participan na fundación do colectivo que xa anunciou que está aberto a novas incorporacións e que conta con algunhas das empresas máis coñecidas do sector, como poden ser Astiberri ou Norma.
