Imaxe de Menciñeiros
“Nestes momentos que se fala tanto da crise sanitaria quixemos honrar a todos eses menciñeiros e curandeiros que axudaron a curar os males” explica Pepe Penabade, a propósito de Menciñeiros, a última montaxe de Volta e Dálle. Pero a obra de teatro que se acaba de estrear en Mondoñedo encerra tamén outras celebracións. É a primeira vez que se representa o texto de Álvaro Cunqueiro, co que “é a nosa particular homenaxe” da compañía ao autor mindoniense; e con ela Volta e dalle festexa os seus dez anos no sector teatral.
