Cineuropa en trailers: martes 22

O festival de cine atravesa o seu ecuador cunha nova sesión de proxeccións na que destaca o último filme dirixido por Roberd Reford, O conspirador,no que fai un achegamento á personaxe e aos feitos que acabaron coa vida do presidente dos Estados Unidos, Abraham Lincoln. Canda este título, hoxe é a última oportunidade para ver A muller do eternauta, longametraxe documental de produción galega con guión de Diego Ameixeiras e coa participación de Manuel Rivas, que recolle a vida de Elsa Sánchez. Elsa Sánchez, de ascendencia galega, é a viúva de Héctor Germán Oesterheld -guionista de cómic arxentino, autor de O Eternauta- . A súa traxectoria persoal serve para personalizar a barbarie da ditadura militar arxentina que ela sufriu en carne propia ao perder as catro fillas e mais o seu marido.