O debuxante Alex Cal ultima un novo proxecto nos Estados Unidos

The Stand-in é o título do último proxecto que Alex Cal está a desenvolver nos Estados Unidos. Unha serie de catro números con guión de Jim Krueger que narra as aventuras dun actor contratado como dobre nunha campaña electoral á Presidencia dos Estados Unidos ao que culpan dun asasinato. A serie non ten aínda data de saída ao mercado, pero na última edición do Festival de Cómic de Nova York (o Comicon, que se celebrou do 4 ao 8 de febreiro), editouse un especial de 12 páxinas que avanza o estilo do proxecto.