Polaqia vende as súas BDs no Museo do Cómic de Nova York

Un acordo co colectivo Calavera Cómics permitirá que os autores coruñeses de Polaqia poidan vender as súas BDs no principal festival de cómic indepente de Estados Unidos. O evento celébrase no Museum of Cómic (MoCCA) de Nova York os vindeiros sete e oito de xuño, e con posterioridade, Calavera disporá deste material para distribuilo en Estados Unidos. En reciprocidade, Polaqia porá á venda no seu posto no vindeiro Viñetas desde o Atlántico material deste equipo de creativos estadounidenses.