María Xosé Queizán leva o V Premio Voz da Liberdade

A V Edición do Premio Voz da Liberdade, que outorga cada dous anos o PEN Clube Galicia foi para María Xosé Queizán, escritora, tradutora e coordinadora da publicación Festa da palabra. En canto aos méritos de Queizán, o xurado recoñeceu "a súa traxectoria independente e firme, tanto na defensa da liberdade de expresión coma na dos dereitos das mulleres desde a década dos sesenta ata a actualidade. A entrega do galardón desenvolverase o vindeiro 26 de novembro ás 12 horas no Centro Social Novacaixagalicia de Santiago de Compostela.