Cineuropa en trailers: venres 11

Shostakovich foi un dos compositores rusos máis recoñecidos da historia da música que abarcou diferentes ámbitos. Entre os seu traballos figura a banda sonora que compuxo para a película de Noovvy Vavilon (A nova Babilonia) dos directores Grigori Kozintsev e Leonid Trauberg. E a programación de Cineuropa prevista para hoxe pretende renderlle unha particular homenaxe cun concerto especial. A Real Filharmonía interpretará a músic acompañando a proxección do filme. É un dos platos fortes que é posible dentro da celebración das vodas de prata do festival de Cine así como a celebración do 800 aniversario da consagración da Catedral. E, por suposto, tanto o Teatro Principal como o Salón Teatro acollerán as proxeccións dos diferentes ciclos e sección do certame.