O Consello da Cultura acollía esta mañá a inauguración do simposio A propiedade intelectual na sociedade dixital, que organiza a Asociación Galega de Editores. O encontro, que se desenvolve entre hoxe e mañá, arrincou coa intervención de Manuel Area, profesor de tecnoloxía da Universidade de La Laguna, sobre a problemática da alfabetización dixital e dos novos materiais de aprendizaxe para a escola informatizada. As intervencións poden seguirse na rede a través do web do Consello da Cultura.
O debate continúa ao longo de hoxe centrado na propiedade intelectual na sociedade e ante a edición actual, e ao longo do día de mañá centrarase nas sociedades de xestión e nos dereitos de autor. Posteriormente, os días 14 e 15, celebraranse unha xornadas profesionais nas que se abordarán cuestións como as novas formas de negocio, a mercadotécnia en rede ou a experiencia nas redes sociais.
Aquí podes seguir en directo o evento:
