Os outros muros

Un muro divide unha vila imaxinaria en dous. De cada lado queda unha parella de amigos que tentará comunicarse evitando a separación que a absurda medida xerou. “Un pouco como o muro de Berlín” asegura Xurxo Cortázar, director de Valados, montaxe de Artestudio Teatro que adapta unha obra de Agustín Fernández Paz. “Rubén Ruibal foi o encargado de facer un traballo de adaptación da obra narrativa a teatro” explica Cortázar. A montaxe inclúese na Mostra das Artes Escénicas na xornada do xoves 20 (Salón Teatro, 13:00 horas).