O vindeiro mes de novembro dará comezo en Santiago Cineuropa. Unha cita fiel ao calendario que está a ultimar as súa programación de cara unha edición que celebrará as súas vodas de prata. Da programación sábense algúns títulos que estarán presentes nesta cita, como os filmes gañadores do León de Ouro da Mostra de Venecia (Fausto, o filme que completa a tetraloxía de Alexandre Sokurov sobre o poder) ou o Oso de Prata da Berlinale (Un cabalo Turinés de Béla Tarr). Haberá sorpresas para o público nunha edición que repetirá a fórmula habitual de festival de festivais con numerosas cintas procedentes de Asia, África e Latinoamérica.
