O voluntariado preséntase como principal baza para coidar o patrimonio eclesiástico

Vai tomando forma o Voluntariado para o Patrimonio Cultural que o Arcebispado compostelán vai pór en marcha, en colaboración coa Xunta, para vixiar e controlar o patrimonio eclesiástico. Esta é unha das novas que xurdiron do segundo encontro da comisión Igrexa Segura, Patrimonio Protexido que reuníu onte representantes da Fiscalía, da Consellaría de Cultura e mais do Arcebispado. Este corpo, que terá que contar cun plan de formación, vixiará as obras de arte presentes nas igrexas, e tentará conscienciar o conxunto da sociedade da necesidade de as protexer.

Os voluntarios encargaranse tamén de abordar o inventariado, catalogación e dixitalización dos bens que se custodian nos templos. O arcebispo prevé chegar a acordos coas universidades para incluír este servizo como parte do currículo do alumnado.

A nivel de medidas concretas, o fiscal Carlos Varela presentou un informa no que lle solicita á Igrexa que procure delimitar as áreas do templo que son visitables, que reforce as fechaduras dos mesmos para evitar robos nocturnos e que sitúe alarmas e sistemas de vixilancia regulares. Ademais, propón substituír elementos de alto valor que poidan estar expostos nas igrexas por réplicas dos mesmos.