A Xunta crea o Laboratorio Permanente das Industrias Culturais

Agadic e o Consello da Cultura Galega clausuraron onte en San Simón o cumio académico e profesional "Galicia e as industrias culturais e creativas diante da Axenda 2020", celebrado ao longo da semana na Illa de San Simón. Juan Carlos Fasero, director de AGADIC, anunciou a creación do Laboratorio Permanente das Industrias Culturais, co obxectivo de realizar "proxectos de investigación centrados no deseño de estratexias e políticas culturais orientadas á xeración de riqueza, valor engadido e emprego para un sector que se presenta como oportunidade de futuro". O Foro celebrado en San Simón subliñou a crecente dimensión económica das industrias culturais e a súa vinculación ás sociedades con alto nivel de riqueza.