Comezou cunha obra de teatro e un faladoiro no pasado mes de agosto. Agora, o programa Cunqueiro. Estación Mondoñedo entra na súa fase máis festeira coa celebración cunha cata de viño, o vindeiro día 22 guiada por Xavier Castro na que se abordará a vertente gastronómica do autor. A seguir, o programa propón, ata o vindeiro 22 de decembro, un circuíto de cantos tabernarios, o concerto de o Home Orquestra Zé Pantasma, o mercado poético Untares galegos ou actaucións musicais de Paulina Ceremuzynska e César Morán. Un orixinal xeito de se achegar á obra deste literato con ocasión do seu centenario.
