Emulaba a proa dun barco por ser o centro de control do Porto de Ferrol. E a súa arquitectura acaba de ser galardoada co premio Leaf, na categoría de Edificio público do ano, un dos galardóns máis prestixioso do gremio no ámbito mundial. O premio fallouse o venres en Londres e a proposta galega, deseñada polo estudo de arquitectura coruñés Díaz&Díaz, impúxose a outras como Steven Holl, un dos profesionais máis reputados do panorama actual.
