O Teatro Principal de Tui, que acolleu os primeiros Xogos Florais do noso país, non será declarado Ben de Interese Cultural. A Dirección Xeral de Patrimonio desestimou a solicitude remitida polo concello a este respecto ao considerar que o edificio non é un dos máis importantes do país na súa categoría e mais polo seu estado ruinoso. Agora, a fundación que o mercara está a negociar a cesión do seu emprego ao concello, con vistas a buscar fórmulas que garantan a rehabilitación e o emprego do edificio. Mentres, xa se presentou unha reclamación para que a Patrimonio reconsidere a súa decisión.
