No marco do Festigal, encontro de tendencias, música, cultura e diversidade en Galicia (Santiago, 24-25 de xullo), presentarase ao público “Son radiofusión”. Trátase dunha asociación que pretende buscar unha masa social para axudar a manter e medrar o proxecto comunicativo das emisoras de radio municipais. O acto contará coa presenza de personalidades da música e da cultura galega, como o gaiteiro Daniel Bellón, o presidente da Mesa pola Normalización Lingüística, Carlos Callón, ou o profesor da Facultade de Ciencias da Comunicación, Xosé Ramón Pousa. Todos eles conformarán parte do Consello Asesor de SonRadiofusión que comeza a andar publicamente a partir desta fin de semana.
