Ourense tramita a cesión de San Francisco ao Ministerio de Cultura

Leva executado o 80% das obras planificadas para San Francisco (con parálise de máis dun lustro incluída) e o concello de Ourense acaba de descubrir que o Ministerio de Cultura (daquela dirixido polo galego Mariano Rajoy) non aprobara oficialmente a recepción do monumento. Por iso, once anos despois de que iso acontecera, o concello de Ourense aprobará oficialmente a cesión este venres. Este é un trámite que esixe o Ministerio de Cultura para licitar as obras que permitan concluír as obras dos edificios. Segundo publica hoxe La Región, o proceso quedará resolto nunhas semanas.