É a máxima distinción honorífica que pode conceder a Xunta de Galicia e este ano recaeu nun científico e nun centro educativo que leva corenta anos velando polo idioma propio de Galicia. Os novos posuidores da Medalla de Galicia son Ángel Carracedo, doutor en medicina e un dos máximos investigadores no campo da xenética e na súa aplicación dos seus resultados contra a doenza do cancro; e o Instituto da Lingua Galega, ILGA, un centro de investigación lingüística, mantido ao abeiro da Universidade de Santiago. Os premios entregaranse, como é habitual, o vindeiro 25 de xullo, Día da Patria Galega.
