Imaxe da capa da Guía didáctica de instrumentos galegos de Ouvirmos
Dar a coñecer a grande variedade de instrumentos que existen no noso país aos máis novos. Esta é a proposta da Guía didáctica de instrumentos galegos que acaba de publicar Ouvirmos. O seu autor, Moisés Quintas fai un percorrido polos tipos e historia dos aparellos para facer música, achegando ademais exemplos do seu son.
Ademais do libro,o CD que acompaña o proxecto inclúe unha pista interactiva que reproduce os contidos da guía engadindo ademais ligazóns a webs dedicada á música tradicional e mesmo os contactos de boa parte dos fabricantes de instrumentos do noso país. Por se fose pouco, o proxecto inclúe tamén instrucións para fabricar instrumentos sinxelos. O proxecto ten continuidade fóra do propio libro mediante o web e o MySpace Instrumentos galegos, nos que o autor quere ir completando datos e engadindo elementos arredor deste mundo.
