Capa da edición alemana de Onde ninguén pode chegar
Kein Blick Zurük é o título co que a firma alemá Editions 52 vai publicar este mesmo mes o álbum Sen mirar atrás co que Dani Montero gañou o Premio Castelao de BD en 2009. A obra presentarase publicamente no Instituto Cervantes de Múnic o vindeiro 18 de xuño, no marco do Festival de Cómic que se celebra nesta cidade. O Cervantes acollerá tamén unha mostra de traballos do autor galego, que tamén asinará exemplares do seu traballo nesta cidade os días 23 e 26.
