Na sesión de control parlamentario á xestión da CRTVG, o seu director, Alfonso Sánchez Izquiedo reivindicou a necesidade desete servizo público. Sobre todo porque permite “a creación de contidos de calidade, supón a consolidación de empresas audiovisuais e non se rexe por tendencias mercantilistas da programación”. Izquierdo fixo estas declaración ao tempo que presentou o seu Informe sobre a Xestión de Servizo Público, do que destacou a redución do endebedamento e o inicio do proceso de consolidación de emprego e un novo modelo de xestión dos informativos territoriais. Con respecto a esto último, a oposición volveu criticar a manipulación informativa da cadea.
