Facilitarlle a concellos de menos de 50.000 habitantes ferramentas urbanísticas para planificar e protexer os seus cascos históricos. Este é o obxectivo das axudas por valor de 3.075.519 euros que concedeu a Consellería de Medio Ambiente, Territorio e Infraestruturas a vinte municipios deste tipo, que deberán abordar agora a elaboración dos plans especiais para as súas zonas monumentais.
En concreto, os concellos beneficiados foron Camariñas, Fisterra, Padrón, Pontedeume e Vedra na Coruña, Castro de Rei, Castroverde, Chantada, Monforte de Lemos, Monterroso, Sarria e Ribadeo en Lugo, Castro Caldelas, Manzaneda, Xunqueira de Ambía, Melón e O Barco de Valdeorras en Ourense e Baiona, O Rosal e Tui en Pontevedra.
