Kaldarte contará cunha asociación para desvencellar do concello a súa celebración

Comezou no ano 1998 no marco do festival Cultura Quente e co obxectivo de dar acubillo a novas propostas artísticas e efímeras. Kaldarte celebrará este ano unha nova edición no mes de xullo (o prazo de presentación de proposta está aberto ata o vindeiro venres) baixo o título “No-Nexo. Persistencia crítica”, que este ano pretende ligalo a consideracións políticas, críticas ou irónicas das ideas que xurdan. Pero a principal novidade desta edición é organizativa, xa que Kalrdarte pretende desvencellarse do concello. Para iso, o comisario desta iniciativa está a ultimar os estatutos dunha asociación cultural que se encarge da súa organización e xestión.