O Instituto da Lingua Galega compre corenta anos

O Paraninfo da Facultade de Xeografía e Historia acolle esta tarde, a partir das 19 horas, o acto académico co que a Universidade de Santiago conmemora os corenta anos do Instituto da Lingua Galega. A conmemoración contará coa presenza do reitor, Juan Casares e mais a directora do ILG, Rosario Álvarez, entre outros persoeiros. Media hora antes, descubrirase unha placa conmemorativa na sede do Instituto, diante mesmo da Facultade. Desde a súa creación, o ILG desenvolveu un traballo fundamental á hora de fixar a norma oficial do galego e na investigación sobre a nosa lingua, con traballos como o Atlas Lingüístico Galego.