Kalandraka entra nos Premios de Edición do Ministerio de Cultura

A través da súa filial andaluza, a editora Kalandraka conseguiu dous postos no palmarés dos Libros Mellor Editados de 2010 que entrega o Ministerio de Cultura. Miguel Hernández. 25 poemas ilustrados conseguiu o terceiro posto na categoría de Libro de Arte mentres Diógenes con texto de Pablo Albo, ilustracións de Pablo Auladell, quedou terceiro entre os libros infantís e xuvenís. A editora explica que as obras foron creadas integramente por Kalandraka e realizadas no sector galegos das artes gráficas.