Nace Letra en obras un novo web sobre literatura

Información, axenda, entrevistas e certames, pero tamén vídeos e mais relatos e obras inéditas de creación. Esta é a aposta coa que se presentaba onte, Día das Letras, Letra en obras, un novo web que pretende axudar na promoción de novos escritores e que agarda "acadar unha certa continuidade na publicación de textos que, nos medios de relación cos que conta hoxe a literatura galega, rematan ás veces condenados a balorecer nos caixóns". Como carta de presentación, lanzan o libro 17 letras sen día (en formato pdf e epub e con licenza Creative Commons), ao que outros tantos autores novos achegan un relato. Pablo García Martínez, un dos promotores, explícanos máis polo miúdo este proxecto.