O Plan de Banda Larga 2010-2013 da Xunta investirá máis de 15 millóns de euros ata o vindeiro 2013 en axudas para facilitar o acceso a esta infraestrutura no rural. A previsión do goberno galego é que este investimento leve Internet a alta velocidade en 11.000 núcleos rurais e achege o servizo a máis de 250.000 usuarios. Os fondos distribuiranse en subvencións que cubrirán ata o 40% da actuación en cada un dos núcleos para os que se soliciten. Os Fondos Europeos de Desenvolvemento Rexional son a orixe dun 80% destas achegas.
