Os últimos estudos evidenciaron que só o 30% da pobocación tiña acceso en banda ancha e que existía unha fenda dixital importante entre as zonas costeira e do interior. Unha situación que a Xunta pretende darlle a volta co seu Plan Director de Banda Ancha aprobado no consello celebrado hoxe. O documento contén a folla de ruta entre o presente e o 2013, ano no que o 96% da poboación terá conexión a internet de alta velocidade. Entre as medidas que contén ese documento figura potenciar o papel de Retegal, como operador público, así como incluir as redes de comuncación nos plans urbanísticos das cidades que figuren nun actualizado e detallado mapa de infraestruturas. A estes fins, a Xunta achegará 102 millóns de euros e prevé conseguir outro tanto (130 millóns) por parte de capital privado e outras administracións (local, provincial ou estatal).
