César Antonio Molina, Luís Mateo Díez, Ángel Basanta e Vicente Araguas e Carlos González Reigosa falarán no Círculo de Belas Artes de Madrid sobre Cunqueiro. Con este evento comezan, o vindeiro doce de maio ás 19:30 horas, a serie de once faladoiros cos que o Consello da Cultura quere conmemorar o centenario nacemento do escritor mindoniense. Desta volta, o tema de debate será Cunqueiro desde Madrid, e repasarase a presenza do autor na cidade. A este evento seguirán outros dez faladoiros sobre a figura e a obra de Álvaro Cunqueiro en Lugo (2 de xuño), Santiago (16 de xuño) e nos meses seguintes en Ourense, Mondoñedo, Ortigueira, A Coruña, Barcelona, Pontevedra, Ferrol e Vigo.
