Un faladoiro analizará o popular na obra de Cunqueiro

Claudio Rodríguez Fer, Darío Xohán Cabana, Antonio Reigosa e Armando Requeixo analizarán mañá a presenza do popular na obra de Cunqueiro no marco dun faladoiro que organiza a Cidade da Cultura. O encontro celebrarase a partir das 19:30 horas de mañá, dous de xuño, na Aula Sociocultural Novacaixagalicia, sita na Praza de Santa María, en Lugo. O encontro é o primeiro dunha serie que continuará por Santiago (16 de xuño), Ourense, Mondoñedo, Ortigueira, A Coruña, Barcelona, Pontevedra, Ferrol e Vigo.