Son preto de 140 páxinas de entrevistas, recensións ou críticas desde os anos oitenta. O arquivo de poéticas contemporáneas na cultura, Poesiagalega.org recupera todo o material que ten acumulado sobre Lois Pereiro e achéganos auténticos tesouros. Artigos, gravacións audiovisuais e de audio, entrevistas ou fotografías achégannos de xeito diferente ao homenaxeado deste Día das Letras.
Segundo explica Arturo Casas, responsable deste proxecto, “O que facemos é aproveitar a documentación que xa temos integrada na nosa base de datos e xuntámola de xeito que a xente o pode atopar facilmente. Ademais, realizamos unha edición deste material en formato pdf para libre descarga, con preto de 140 páxinas”. Aínda que recoñece que “ata este ano a produción crítica sobra el era relativamente escasa, hai un monográfico de Luzes da Galiza, outro de Dorna e diferentes recensións”.
Entre o material que recompila o equipo de Poesiagalega.org, atopamos catro entrevistas co propio Pereiro realizadas entre 1985 e os anos noventa que permiten coñecer mellor a figura do poeta. “a posibilidade de que os lectores accedan a estas entrevistas paréceme moi interesante. Nelas o autor fala da súa poesía, de Galicia e mesmo do seu público”. Canda a isto, recupéranse recensións sobre a súa obra publicadas en xornais ou en revistas de poesía que hoxe son difícis de atopar, o que nos permite coñecer polo miúdo a recepción da obra de Pereiro na súa propia época.
Ademais de textos, o repositorio inclúe videos de diferentes actos sobre o poeta, como o recital de aniversario do grupo De amor e desamor. Ademais, hai fotografías, e mesmo o arquivo de sons que recolle ao propio Pereiro recitando no pub Moca da Coruña en 1996. Canda á posibilidade de acceder a estes materiais a través da propia web, o Grupo Alea de Análise Poética publicou un PDF no que recolle tanto os textos como as referencias ás entradas audiovisuais.
Entre o material que recompila o equipo de Poesiagalega.org, atopamos catro entrevistas co propio Pereiro realizadas entre 1985 e os anos noventa que permiten coñecer mellor a figura do poeta. “a posibilidade de que os lectores accedan a estas entrevistas paréceme moi interesante. Nelas o autor fala da súa poesía, de Galicia e mesmo do seu público”. Canda a isto, recupéranse recensións sobre a súa obra publicadas en xornais ou en revistas de poesía que hoxe son difícis de atopar, o que nos permite coñecer polo miúdo a recepción da obra de Pereiro na súa propia época.
Ademais de textos, o repositorio inclúe videos de diferentes actos sobre o poeta, como o recital de aniversario do grupo De amor e desamor. Ademais, hai fotografías, e mesmo o arquivo de sons que recolle ao propio Pereiro recitando no pub Moca da Coruña en 1996. Canda á posibilidade de acceder a estes materiais a través da propia web, o Grupo Alea de Análise Poética publicou un PDF no que recolle tanto os textos como as referencias ás entradas audiovisuais.
