A Coruña acollerá a II edición de Expotaku

Logo do éxito acadado o pasado ano, Expotaku volta á Coruña. Desta volta, o salón dedicado ao manga e mais á cultura xaponesa, celebrarase entre o 20 e o 22 de maio e duplica a súa superficie ata chegar aos 4.000 metros cadrados. O programa inclúe exposicións como a de pin-ups do ilustrador Pintureiro, presenza de autores españois de manga, concursos de disfraces, karaoke, coreografía e outras iniciativas. O prezo das entradas é de 3 euros para un só día e de 7 euros o bono para todo o evento.